Sangli Breaking I मोठी बातमी - गुंड तुकाराम मोटेचा सांगलीत खून | Sakal
sakal

बोलून बातमी शोधा

sangli crime

काल संजयनगर परिसरातील तरुणांकडे बघण्यावरुन वाद झाला.

मोठी बातमी - गुंड तुकाराम मोटेचा सांगलीत खून

सांगली - संजयनगर येथील गुंड तुकाराम सुभाष मोटे (27) याचा किरकोळ वादातून चाकूने भोसकून खून केल्याचा प्रकार मंगळवारी मध्यरात्री घडला. संजयनगर पोलिसांनी दोघा संशयिताना ताब्यात घेतले आहे.

हेही वाचा: BJP-MNS युतीबाबत भाजप नेत्यांच मोठं विधान म्हणाले, बेरजेचं..

अधिक माहिती अशी, तुकाराम मोटे हा रेकाॅर्डवरील गुन्हेगार आहे. महिन्यापूर्वी परिसरातील पेट्रोलपंपावर उधार पेट्रोल दिले नाही म्हणून त्याने महिला कर्मचार्‍याचा विनयभंग करुन मारहाण केली होती. तसेच पैसे हिसकावण्याचा प्रयत्न केला होता. पोलिसांनी त्याला अटक केली होती. त्यानंतर तो जामिनावर मुक्त होता.

काल संजयनगर परिसरातील तरुणांकडे बघण्यावरुन वाद झाला. त्यातून हाणामारी झाली. तेव्हा तुकारामला चाकूने भोसकण्यात आले. तीन ठिकाणी खोलवर वार झाल्यामुळे तुकाराम मृत झाला. काही वेळातच संजयनगर पोलिसांना माहिती मिळताच सहायक निरिक्षक संजय क्षीरसागर व पथकाने घटनास्थळी धाव घेतली. पोलिसांनी तातडीने तपासाची चक्रे फिरवून दोघांना ताब्यात घेतले आहे. खुनाच्या नेमक्या कारणाबाबत तपास सुरु आहे. सायंकाळपर्यंत खुनाचा उलगडा होईल असे पोलिसांनी सांगितले.

हेही वाचा: 'जर शरद पवार मला भेटले तर, आदरानं त्यांना प्रणाम करणार'

Web Title: Criminal Tukaram Mote Murdered In Sangli At Midnight Breaking News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top