सातारा : सहा दरोडेखोरांनी गॅस कटरने येथील सदाशिव पेठेतील ज्वेलर्सचे दुकान फोडून 28 हजार रुपये किमतीचे सोने, चांदीचे दागिने लंपास केले. दरोड्याची माहिती मिळताच परिसरातील वॉचमन बाळकृष्ण गोडसे हे घटनास्थळी गेले. तेव्हा दरोडेखोरांनी त्यांना मारहाण करत तेथून धूम ठोकली.
जरुर वाचा - टॅक्सी चालकाचा प्रामाणिकपणा, 13 लाख केले परत
पोलिसांनी दिलेल्या माहितीनुसार, राहुल हरी कोरे (रा. व्यंकटपुरा पेठ, सातारा) यांचे राधाकृष्ण ज्वेलर्स नावाचे दुकान आहे. नेहमीप्रमाणे 22 डिसेंबरला रात्री दुकानाला कुलूप लावून बंद केले होते. पहाटे तीन वाजण्याच्या सुमारास याच दुकानासमोर पाच ते सहा जणांचे टोळके आले. संशयितांकडे गॅस कटर होते. त्या गॅस कटरने संशयितांनी कुलूप तोडून आतमध्ये प्रवेश केला. दरोडेखोरांनी दुकानातील 28 हजार रुपये किमतीचे सोने, चांदीचे दागिने लुटले. दरोडेखोरांच्या हालचाली सुरू असताना त्याच परिसरातील वॉचमन बाळकृष्ण आनंदराव गोडसे हे तेथे गेले. त्या वेळी काही चोरटे ज्वेलर्सच्या दुकानात, तर काही जण बाहेर टेहाळणीसाठी थांबले होते.
हेही वाचा - ऐकलंत का... सातारा पालिकेचे अधिकारी टाकतात पाट्या
गोडसे यांनी पाहिल्यानंतर संशयितांना त्यांनी हटकले. त्या वेळी दरोडेखोर घाबरले. दरोडेखोरांनी लाकडी काठीने गोडसे यांना मारहाण करून तेथून पलायन केले. पोलिसांनी गोडसेंनी दिलेल्या माहितीनुसार दरोडेखोरांचा तपास सुरू केला आहे. परिसरातील सीसीटीव्ही फुटेजची तपासणी केली जात आहे. या गुन्ह्याची नोंद शाहूपुरी पोलिस ठाण्यात झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
