`या` स्मार्ट सिटी एबीडी एरियात 2021 पासून रोज पाणी

सोलापूर ः स्मार्ट सिटी एबीडी एरियात जानेवारी 2021 पासून रोज दोन तास पाणीपुरवठा करणे शक्य होणार आहे, अशी माहिती आयुक्त तथा मुख्य कार्यकारी अधिकारी दीपक तावरे यांनी गुरुवारी पत्रकार परिषदेत दिली. 

हेही वाचा - उद्धवसाहेब या खेकड्याच्या नांग्या ठेचा 

एबीडी एरियाचे 22  विभाग
एबीडी एरियाचे पाणीपुरवठ्यासाठी 22 विभाग करण्यात आले आहेत. प्रत्येक भागाचे डिझाईन करण्यात आले आहे. ही रचना करताना 2018 आणि 2051 ची संभाव्य लोकसंख्या अपेक्षित धरण्यात आली आहे. हे काम पूर्ण झाल्यावर या भागातील लोकांना दरडोई 70 ते 90 लिटर पाणी रोज मिळणार आहे. 

हेही वाचा - भगवान झाला लॅार्ड....

तब्बल 57 टक्के गळती 
एबीडी एरियात सध्या असलेल्या जलवाहिनीतून सुमारे 57 टक्के पाण्याची गळती होते. ही संपूर्ण जलवाहिनी बदलण्यात येणार आहे. आणि त्या ठिकाणी सुमारे 50 ते 55 वर्षे टिकेल अशी जलवाहिनी टाकण्यात येणार आहे. हे काम पूर्ण झाल्यावर सध्या असलेली 57 टक्के गळती ही 10 टक्क्यांवर येणार आहे. 

हेही वाचा - मिडल ईस्टला जाताहेत सोलापूरचे मासे 

98 किलोमीटर जलवाहिनी
एबीडी एरियामध्ये तब्बल 98 किलोमीटर जलवाहिनी टाकण्यात येणार आहे. त्यामध्ये प्रमुख रस्त्यांवर 21 किलोमीटर व इतर ठिकाणी 77 किलोमीटरची जलवाहिनी असणार आहे. याशिवाय 111 किलोमीटर ड्रेनेज टाकण्यात येणार असून, त्याची लांबी 18 आणि 93 किलोमीटर असणार आहे. 

योजनेसाठी खास अधिकाऱ्यांची नियुक्ती
या योजनेसाठी मुंबई महापालिकेतील सेवानिवृत्त अधिकारी एन. एच. कुसनूर आणि आर. एम. चौकर यांची नियुक्ती करण्यात आली आहे. कुसनूर हे जलतज्ञ असून, चौकर हे ड्रेनेज विभागाती तज्ज्ञ आहेत. या दोघांनीही सध्या सुरु असलेल्या कामांची माहिती दिली.