कोल्हापूर ः महाराष्ट्र प्रदूषण नियंत्रण मंडळ, इकोफोक्स व्हेंचर्स आणि प्रतिज्ञा नाट्यरंग संस्था यांच्या संयुक्त विद्यमाने आयोजित पर्यावरणपर बालनाट्य स्पर्धेत शहरी विभागात बालाजी माध्यमिक विद्यालय इचलकरंजीच्या "प्रदूषणाचा भस्मासूर' आणि ग्रामीण विभागात बाचणीच्या ज्ञान प्रबोधिनी इंग्लीश मीडियम स्कूलच्या "वनकन्या' नाटकांनी प्रथम क्रमांक मिळवला.
विजेत्या नाटकांचा पारितोषिक वितरण समारंभ परेश पिंपळे, संजय जोग, अथर्व जोशी, केतकी जमदग्नी, श्रेयस मोहिते यांच्या हस्ते झाला. संगीतसूर्य केशवराव भोसले नाट्यगृहात स्पर्धा झाली. स्पर्धांमध्ये ग्रामीण आणि शहरी विभागातून एकूण 24 शाळांनी सहभाग घेतला होता. शहरी विभागात सांघिक प्रकारामध्ये द्वितीय क्रमांक वि. स. खांडेकर प्रशालेच्या "बजरंगपूरचा बजरंगी राजा' तर तृतीय क्रमांक राणी सरस्वती देवी कन्या शाळा सांगलीने केलेल्या "कृती करताना ठेवू भान, पर्यावरण होईल सुंदर छान' या नाटकांनी पटकावले. उत्तेजनार्थ म.ल.ग. हायस्कूलच्या "झूल मंजुळेची' या नाटकाला मिळाला.
ग्रामीण विभागात गिजवणे हायस्कूलच्या "हिरवी बाभळ'ला दुसरा तर भैरवनाथ माध्यमिक विद्यालय भुयेवाडीच्या "अस्त एका साम्राज्ञीचा' या नाटकाला तिसरा क्रमांक मिळाला. माध्यमिक विद्यालय पाचगावच्या "गॅझेट'ला उत्तेजनार्थ क्रमांक मिळाला.
परीक्षक म्हणून संजय जोग आणि अथर्व जोशी यांनी काम पाहिले. संयोजन पुष्कर बोरगावकर, आम्रपाली क्षीरसागर, नाना बोरगावकर, प्रशांत जोशी यांनी केले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.