माळशिरस : माळशिरस विधानसभा मतदारसंघातील भाजपची उमेदवारी मिळालेल्या राम सातपुतेंच्या गळ्यात अखेर विजयाची माळ पडली. मोहिते-पाटील गटाचे वर्चस्व असलेल्या या मतदारसंघात शेवटच्या टप्प्यात भाजप युवा मोर्चाचे प्रदेश उपाध्यक्ष राम सातपुते यांनी अखेर 2702 मताधिक्यांनी विजय मिळवला आहे. मुख्यमंत्र्यांचे अत्यंत निकटवर्तीय अशी ओळख सातपुतेंनी काही दिवसांतच मिळवली होती.
माळशिरस विधानसभा मतदारसंघ हा राष्ट्रवादीचा बालेकिल्ला मानला जातो. मात्र, त्याला टक्कर देत भांबुर्डी या दुष्काळी गावातील एका ऊसतोड कामगाराच्या मुलाला भाजपने आमदारकीचे तिकीट दिले. आणि सध्याच्या राजकीय घराणेशाहीला बाजूला सारलं.
पहिल्या फेरीपासूनच राष्ट्रवादीचे उत्तम जानकर हे आघाडीवर होते. त्यानंतर तेराव्या फेरीनंतर जानकरांकडे असलेली आघाडी हळूहळू कमी होत गेली. 19 व्या फेरीपर्यंत जवळपास जानकर आणि सातपुतेंमधील मतांमध्ये बरोबरी झाली. त्यानंतर 22 व्या फेरीनंतर राम सातपुते यांनी 856 मतांनी आघाडी कायम ठेवत उत्तम जानकर यांच्यावर मात केली. राम सातपुते यांच्या भरघोष विजयानंतर माळशिरसमध्ये कार्यकर्त्यांनी जल्लोष केला.
माळशिरस तालुक्यातील भांबुर्डीची कायम दुष्काळी गावात राम सातपुते यांचे लहानपण गेले आणि त्यातच सातपुते यांच्या घरची परिस्थितीही बिकट होती. त्यांचे वडील ऊस तोडणीचे काम करतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
