कोल्हापूर ः भाडेकरूने गैरकृत्य केले, तो चोरटा निघाला, त्यात आमचा काय दोष?, साहेब! तुमच्या चौकशीचा आम्हाला त्रास का?. असा सवाल घेऊन येणारे घरमालकांच्या संख्येत दिवसेंदिवस वाढत आहे. भाडेकरूबाबतची माहिती स्थानिक पोलिस ठाण्याला न कळविणे हा घरमालकांचा निष्काळजीपणा हेच त्यामागचे कारण असते.
जिल्ह्यात चोऱ्या, घरफोड्या, लुटमारी, खून, हाणामाऱ्याचे प्रकार वारंवार घडतात, असे गुन्हे उघडकीस येतात. त्यावेळी गुन्हेगार हे जिल्हाबाहेरून अगर परप्रांतिय असल्याचे उघड होते, असे गुन्हेगार भाडेकरू म्हणून राहतात. टेहाळणी, रेकी करतात आणि हात साफ करून जातात असेही पुढे आले. यावर उपाय म्हणून घरमालकांनी भाडेकरूची माहिती स्थानिक पोलिस ठाण्यात द्यावी, असे आवाहन केले होते. चार ते पाच वर्षापूर्वी ही प्रक्रिया सुरू झाली. मात्र त्याला सुरवातीला जसा अल्प प्रतिसाद मिळाला तिच परिस्थिती कायम आहे.
हे पण वाचा - मक्यावरील आंतरराष्ट्रीय संशोधन कोल्हापुरात...
भाडेकरूवर घरमालकाकडून लगेच विश्वास ठेवला जातो. त्याने दिलेली स्वतः विषयीची माहिती ग्राह्य धरली जाते. पण तो भाडेकरू नेमका कोण? त्याच्या विषयीची त्याने दिलेली माहिती बरोबर आहे का? तो नेमका कोणता व्यवसाय अगर नोकरी करतो? या प्रश्नाबरोबर त्याची पार्श्वभूमी काय? तो जागेचा वापर कशासाठी करणार? हे तपासले जात नाही. पण हे काम ज्या त्या वेळेत आणि पोलिसांकडून झाले तर संभाव्य गुन्हे टळू शकतात. हाच धागा पकडून घरमालकांनी भाडेकरूंची माहिती स्थानिक पोलिस ठाण्याला द्यावी, असे आवाहन पोलिसांनी केले. मात्र मोजकेच घरमालक सोडले तर इतरांनी मात्र त्याकडे दुर्लक्ष केले आहे. अनेक जण भाडेकरूनची सरकारी दप्तरी नोंद होऊन त्या पटीत घरफाळा वाढेल या भितीने माहिती देत नसल्याचे चित्र आहे.
हे पण वाचा - झाेपेतच तिघा मायलेकावर केले सपासप वार आणि...
ृदृष्टीक्षेपात...
*शहरात मिळकतीचे प्रमाण असे :
*एकूण मिळकती - 1 लाख 43 हजार
*रहिवासी - 1 लाख 23 हजार
*व्यवसायिक - 20 हजार
भाडेकरूंची अशी माहिती द्या
* घरमालकासह भाडेकरूची, मोबाईल क्रमांक * भाड्याने द्यावयाची मिळकतीचा पत्ता
*भाडेकरूचे मूळ गाव *एजंट, मध्यस्थीची माहिती
*भाडेकरूच्या ओळखीच्या दोन व्यक्तींची माहिती
* आधारकार्ड, फोटो
पोलीस ठाण्यातील
प्राप्त माहितीचे स्वरूप...
*जुना राजवाडा - 52
*शाहूपुरी - 37
*लक्ष्मीपुरी - 67
*राजारामपुरी - 53
*करवीर - 97
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
