शेतातून यायला उशीर झाल्याने शोधाशोध केली, पण...; पोहताना दम लागल्याने एकाचा मृत्यू

पोर्ले तर्फ ठाणे - पोर्ले तर्फे ठाणे (ता पन्हाळा) येथील तानाजी बंडू जाधव (वय ३९ ) यांचा कासारी नदीत पोहायला गेल्यानंतर पोहताना पाण्यात बुडून मृ्त्यू झाला. या घटनेची नोंद पन्हाळा पोलिस ठाण्यात करण्यात आली आहे.

घटनास्थळी व पोलिसांकडून मिळालेली माहिती अशी, मंगळवारी सकाळी तानाजी जाधव पोर्ले-माजगावच्या दरम्यानच्या कासारी नदीवर पोहायला गेले होते.पोहत असताना त्यांची दमछाक झाली. पोहताना दम लागुन घुटमळल्याने त्यांचा पाण्यात बुडून मृत्यू झाला. (Latest Marathi News)

शेताकडून यायला उशीर का झाला. त्यामुळे नातेवाईकांनी त्यांचा दुपारी शोध सुरू केला तर कासारी नदी तिरावर त्यांची कपडे व चप्पल आढळून आले. त्यानंतर त्याचा मंगळवारी रात्री उशीरपर्यंत शोध घेतला असता जाधव काही सापडले नाही. बुधवारी पोलीसमित्र उदय निंबाळकर (बावडा), सुरेश उर्फ बळी चेचर, बाबूराव चेचर, राजू रायकर, अभी चेचर, उपसरपंच शहाजी खुडे, सुरेश चेचर व ग्रास्थांच्या मदतीने साहाय्याने त्यांचा मृतदेह शोधून काढण्यात आला. (Breaking Marathi News)

उत्तरीय तपासणीनंतर त्यांच्या मृतदेह नातेवाईकांच्या ताब्यात देण्यात आला. त्यांच्या पश्चात आई, पत्नी, मुलगा, मुलगी, तीन बहिणी असा परिवार आहे.