कोल्हापूर : जिल्ह्यात आज सकाळपासून पुन्हा भूरभूर पाऊस सुरू झाला आहे. सकाळी आठ वाजता संपलेल्या चोविस तांसात जिल्ह्यात एकूण 144.55 तर सरासरी 12.05 मिलीमीटर पावसाची नोंद झाली आहे. काल रात्री आठवाजता पंचगंगा नदीवरील राजाराम बंधाऱ्याची पाणी पातळी 16 फूट 10 इंच होती. तर हीच पातळी सकाळी आठवाजता 15 फूट 7 इंच पर्यंत खाली आली आहे.
हेही वाचा - आरटीओतील एजंटगिरीला लागणार चाप
अरबी समुद्रांत निर्माण झालेल्या कमी दाबाच्या पट्ट्यामुळे चार दिवसापूर्वी जिल्ह्यात सलग तीन दिवस पावसाची रिपरिप होती. त्यानंतर काल काही प्रमाणात उघडीप होती. मात्र आज सकाळपासून शहरासह जिल्ह्यात पावसाची भूरभूर पुन्हा सुरू झाली. हवामान ढगाळ असून हवेत गारवाही निर्माण झाला आहे. सकाळी दहापर्यंत झालेल्या पावसाच्या सरी तासाभरानंतर कमी झाल्या आहेत. मात्र डोंगरी भागात पावसाची रिपरिप सुरूच आहे.
जिल्ह्यातील पंचगंगा नदीवरील रुई, इचलकरंजी, तेरवाड आणि शिरोळसह भोगावतीनदीवरील खडककोगे बंधारे पाण्याखाली आहेत. जिल्ह्यात दुपारनंतर परिस्थिती पूर्ववत होत चालली असली तरीही सायंकाळी पावसाची रिमझिम सुरू होण्याची शक्यता असल्याचे संकेत आहेत. सध्याच्या पावसामुळे शहरातील जनजीवनावर कोणताही परिणाम झालेला नाही.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
