Labour Scam Construction : बनावट बांधकाम कामगारांचा पर्दाफाश, शासनाची ४५ लाखांची फसवणूक; दोन ठेकेदारांसह २५ जणांवर गुन्हा

तपासणीत हे आढळलेगुन्हे दाखल २५ पैकी १६ कागल तालुक्यातील वीस जणांनी जोडले अपंगत्वाचे खोटे दाखलेखासगी नोकरदार बनला बांधकाम कामगार मृत्यूनंतर बांधकाम कामगार दाखविल्याचे दोन प्रकार.Fake Construction Workers Scam : खासगी कंपनीत चांगल्या पगारावर काम करणाऱ्या एकाने खोटा बांधकाम कामगार दाखला जोडून नऊ हजार रुपये किमतीचा वस्तू संच उचलला. एकाच्या मृत्यूनंतर त्याची बांधकाम कामगार अशी नोंद करून दोन लाख रुपयांचा लाभ लाटण्यात आला. ७५ टक्के अपंगत्वाचे खोटे दाखले जोडून २० जणांनी प्रत्येकी दोन लाख रुपये घेतल्याचे कामगार आयुक्त कार्यालयाच्या तपासणीत समोर आले आहे.खोट्या दाखल्यांआधारे शासनाची तब्बल ४४ लाख ७७ हजार रुपयांची फसवणूक केल्याप्रकरणी दोन ठेकेदारांसह २५ जणांविरोधात शाहूपुरी पोलिस ठाण्यात आज गुन्हा दाखल झाला. शासनाकडून बांधकाम कामगारांसाठी विविध कल्याणकारी योजना सुरू आहेत..कोल्हापुरातील अनिल पांडुरंग कळके याने खोट्या माहितीआधारे बांधकाम कामगारांसाठीच्या वस्तूंच्या संचाचा लाभ घेतल्याची तक्रार बांधकाम कामगार कल्याणकारी मंडळाचे मुख्य कार्यकारी अधिकाऱ्यांकडे देण्यात आली होती. याचा तपास करण्यासाठी सांगली कामगार आयुक्त कार्यालयातील निरीक्षक रोहित विश्वनाथ गोरे व त्यांचे पथक तपासणीसाठी कोल्हापुरात आले होते. दोन आठवड्यांपासून ही कारवाई सुरू होती. तपासणीत अनेक धक्कादायक प्रकार उजेडात आले..मृत्यूनंतर बांधकाम कामगार अशी नोंद ...पथकाच्या तपासणीत सुनीता राजाराम बावडेकर (रा. बाजारवाडी, आष्टा, ता. वाळवा, जि सांगली) व राजश्री शहाजी पोवार (रा. सातार्डे, ता. पन्हाळा) यांना पतीच्या मृत्यूपश्चात प्रत्येकी दोन लाख रुपयांचा लाभ दिल्याचे समजले. या दोघींनी जमा केलेल्या पतीच्या मृत्यू दाखल्यांची पडताळणी केली असता, मृत्यूची नोंद व बांधकाम कामगार म्हणून नोंद झालेल्या तारखांमध्ये तफावत आढळली.अपंगत्वाचे खोटे दाखले७५ टक्के अपंगत्व असलेल्या कामगारांना दोन लाख रुपयांचा लाभ बांधकाम कामगार कल्याणकारी मंडळाकडून दिला जातो; परंतु २० ते ५० टक्के अपंगत्व असतानाही खोट्या कागदपत्रांआधारे ७५ टक्के अपंगत्व दाखवून योजनांचा लाभ घेतल्याचेही आढळून आले. शासनाकडे जमा केलेल्या कागदपत्रांची पडताळणी केली असता २० जणांनी खोट्या दाखल्याचा वापर केल्याचे समोर आले..याद्वारे रूपाली कृष्णात कोगनुले, दत्तात्रय सदाशिव मोरबाळे, तानाजी भाऊ खंडागळे, अश्विनी आप्पासाहेब मेटकर, रणजित कृष्णात हसबे, महेश तुकाराम बंबरे, विवेक राजाराम अस्वले, सुभाष निवृत्ती वंदाकर (सर्व रा. मुरगूड, ता. कागल), सुनील शांताराम भराडे (निढोरी, ता. कागल), सुरेश नारायण भोई, संजय दत्तात्रय आगाज (दोघे रा. चिमगाव, ता. कागल), बापूराव परशुराम मोहिते व विलास परशुराम मोहिते (रा. हळदी, ता. कागल), अतिश विलास दाभोळे (रा. वाघापूर, ता. भुदरगड), बाळासाहेब गणपती लोंढे (सोनगे, ता. कागल), अशोक खंडेराव घोडके (म्हसवे, ता. भुदरगड), रमेश केरबा चव्हाण (गारगोटी, ता. भुदरगड), अक्षय रामचंद्र मेंगाणे (निळपण, ता. भुदरगड), शीतल अमोल नाईक (खानापूर, ता. भुदरगड), सागर मधुकर वागरे (करंजफेण, ता. राधानगरी) अशी गुन्हा दाखल झालेल्यांची नावे आहेत..Kolhapur Courier Robbery : कोल्हापूरच्या कुरिअर कंपनीचे ७० लाखांचे दागिने लुटले, कऱ्हाडजवळ कुरिअर बॉयला टोळीची मारहाण.ठेकेदारांवरही गुन्हा दाखलबांधकाम कामगार म्हणून खोटे दाखले दिल्याप्रकरणी बांधकाम ठेकेदार चारुदत्त जोशी (रा. चौगुले गल्ली, कागल) व शुभम सुरेश तुरंबेकर (रा. चावरेकर वसाहत, राधानगरी रोड) या दोघांवरही गुन्हा दाखल करण्यात आला. त्यांनी आणखी किती जणांना दाखले दिले?, मोबदल्यात किती पैसे आकारले? याचा तपास पोलिस करणार आहेत.तीन वर्षांचा कालावधी लोटलालाभार्थींनी मार्च २०२२ ते ऑगस्ट २०२५ या कालावधीत ही खोटी कागदपत्रे सादर करून वेगवेगळ्या योजनांना लाभ घेतला आहे. यामध्ये नऊ हजार रुपये किमतीचा सुरक्षा संच व अत्यावश्यक वस्तू संच, तसेच प्रत्येकी दोन लाख रुपये प्रमाणे ४४ लाख रुपयांची रक्कम उचलली आहे.दोन आठवड्यांपासून तपासणीतक्रारी आल्यानंतर सांगलीच्या पथकाने कोल्हापुरात येऊन तपासणी केली. कागदपत्रांच्या पडताळणीत २३ बनावट दाखले उघडकीस आले. या पथकामध्ये सांगली सहायक कामगार आयुक्त एम. ए. मुजावर, शीतल झाडके, पवन आमझरे यांचा समावेश होता..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.