इचलकरंजी, ता. ७ ः इचलकरंजी महापालिकेचे उपायुक्त प्रसाद काटकर यांच्या मोटारीला ट्रॅक्टर - ट्रॅालीने धडक दिली. यामध्ये ते थोडक्यात बचावले. त्यांना कोणतीही शारिरीक इजा झाली नाही. मात्र त्यांचा चालक किरकोळ जखमी झाला.
स्टेशन रोडवरील डाॅ. बाबासाहेब आंबेडकर पुतळा परिसरात आज दुपारी तीन वाजता हा अपघात झाला. यामध्ये उपायुक्त काटकर यांच्या मोटारीच्या चालकाकडील बाजूचे मोठे नुकसान झाले असून अपघातस्थळी काचांचा खच पडला होता.
