Bank : प्रचाराचा उडणार धुरळा; विरोधकांचा कोल्हापुरात प्रारंभ

कोल्हापूर : जिल्हा बँकेच्या निवडणुकीत (Bank Election )दोन्ही पॅनेलची घोषणा झाल्यानंतर आता प्रचाराच्या निमित्ताने जिल्ह्याच्या ग्रामीण भागात धुरळा उडण्यास सुरूवात झाली आहे. उमेदवारी निश्‍चित असलेल्या उमेदवारांनी यापुर्वीच प्रचार सुरू केला आहे. पॅनेलचा म्हणून सत्तारूढ गटाचा प्रचार शुभारंभ शनिवारी (ता. २५) गडहिंग्लजमध्ये तर विरोधकांचा प्रारंभ रविवारी (ता. २६) कोल्हापुरातील (Kolhapur )धैर्यप्रसाद मंगल कार्यालयात होणार आहे.

या प्रचार शुभारंभाच्या निमित्ताने दोन्ही गटांकडून जोरदार शक्तीप्रदर्शनाची तयारी सुरू आहे. सत्तारूढ गटाच्या प्रचार शुभारंभाला ग्रामविकास मंत्री हसन मुश्रीफ, (Hasan Mushrif) पालकमंत्री सतेज पाटील,(Satej Patil) राज्यमंत्री राजेंद्र पाटील-यड्रावकर,(Rajendra Patil-Yadravkar) आमदार विनय कोरे,(Vinay Kore) प्रकाश आवाडे, (Prakash Aawade)पी. एन. पाटील (P.N.Patil) अशी दिग्गज मंडळी उपस्थित रहाणार आहेत. गडहिंग्लज (Gadhinglaj) येथील सभागृहात सकाळी ११ वाजता हा मेळावा होणार आहे. त्याच्या नियोजनाचीही जोरदार तयारी सुरू आहे.

सत्ताधाऱ्यांनी जागांचा प्रस्ताव नाकारलेल्या शिवसेनेने (Shivsena)त्यांच्यापासून फारकत घेत नव्या पॅनेलचीच थेट घोषणा केली. या पॅनेलमध्ये शेतकरी कामगार पक्ष, स्वाभिमानी शेतकरी संघटना, आरपीआय गटाला सोबत घेतले आहे. या पॅनेलचा प्रचार शुभारंभ रविवारी (ता. २६) ताराबाई पार्कातील धैर्यप्रसाद मंगल कार्यालयात दुपारी १२ वाजता होणार आहे. या मेळाव्याल सेनेचे संपर्कप्रमुख अरूण दुधवडकर, खासदार प्रा. संजय मंडलिक, माजी आमदार चंद्रदीप नरके, सत्यजित पाटील-सरूडकर आदि उपस्थित रहाणार आहेत. माजी आमदार नरके यांच्या घरी २४ डिसेंबरला लग्नकार्य आहे, त्यासाठी येणारे शिवसेनेचे राज्य पातळीवरील नेतेही या प्रचार शुभारंभाला उपस्थित रहाण्याची शक्यता आहे.