Konkan Railway : कोकण रेल्वेतर्फे प्रवाशांना दिवाळी भेट, लांब पल्ल्याच्या रेल्वे थांबणार

Diwali Gift from Konkan Railway : कोकण रेल्वेमार्गावर सिंधुदुर्गात लांब पल्ल्याच्या चार गाड्यांना थांबा देण्याचा निर्णय घेतला आहे. यामध्ये सिंधुदुर्ग रेल्वे स्थानकावर हजरत निजामुद्दीन एक्स्प्रेस व अजमेर मरू सागर एक्स्प्रेस आणि कणकवली रेल्वे स्थानकावर हिसार-कोयंबतूर एक्स्प्रेस व गांधीधाम नागर कोईल एक्स्प्रेस या चार गाड्यांना थांबा दिला जाणार आहे. यामुळे कोकण रेल्वेने प्रवास करणाऱ्या सिंधुदुर्ग जिल्ह्यातील प्रवाशांना ही दिवाळी भेटच मिळाली आहे.