दसरा, दिवाळीला शेतकऱ्याच्या हातात येणारा ताजा पैसा पावसाच्या पाण्यात बुडाला, झेंडू, सोयाबीन, भुईमूग, फ्लॉवर, टोमॅटोसह भाजीपाला शेतातचं कुजला

परतीच्या पावसाचा फटका – कोल्हापूर जिल्ह्यात काल रात्रीपासून सुरू असलेल्या मुसळधार पावसामुळे सोयाबीन, भुईमूग, फ्लॉवर, टोमॅटो, भाजीपाला, झेंडू, निशिगंध आदी पिकांचे मोठे नुकसान झाले असून भात पिकावरही परिणाम होण्याची शक्यता आहे.

शेतकऱ्यांची चिंता – मागील अतिवृष्टीने आधीच ३६ हजारांहून अधिक शेतकऱ्यांचे तब्बल १४ कोटींपेक्षा जास्त रुपयांचे नुकसान झाले होते; परतीच्या पावसामुळे सणासुदीच्या आधी हातातोंडाशी आलेला पैसा हुकल्याची खंत शेतकरी व्यक्त करत आहेत.

धरणे व विसर्ग – जिल्ह्यातील जवळपास सर्वच धरणे शंभर टक्के भरली असून वारणा, दूधगंगा, पाटगाव, राधानगरी आदी धरणांतून मोठ्या प्रमाणावर विसर्ग सुरू असल्याने नद्यांच्या पाणीपातळीत वाढ होऊन पूरस्थितीची शक्यता आहे.