Elephant In Vantara : कोल्हापूर, सिंधुदुर्ग, गोव्याच्या जंगलातले हत्ती जाणार 'वनतारा'मध्ये, खुद्द वनमंत्र्यांचा हिरवा कंदील

गोवा सीमेवर वावरणाऱ्या ‘ओंकार’सह दोडामार्ग तालुक्यातील सर्व हत्तींना पकडून वनतारा येथे हलविण्याचा प्रस्ताव आहे; वनमंत्री या प्रस्तावासाठी अनुकूल असून मंत्रालय पातळीवर लवकरच अंतिम निर्णय होणार आहे, असे आमदार दीपक केसरकर यांनी सांगितले.

हत्तींमुळे अनेक वर्षांपासून शेती, मालमत्तेचे नुकसान व जीवितहानी होत असल्याने त्यांना सुरक्षित स्थळी हलवणे आवश्यक असल्याचे केसरकर यांनी स्पष्ट केले; वनतारामध्ये प्राण्यांची योग्य ती काळजी घेतली जाते आणि सर्वोच्च न्यायालयानेही ते मान्य केले आहे.

शिवसेना विषयावर बोलताना केसरकर यांनी “शिवसेना आमचीच आहे; पक्षचिन्ह व निवडून आलेले आमदार-खासदार आमचेच आहेत” असे सांगत संजय राऊत यांच्या टीकेवर भाष्य न करण्याचा इशारा दिला.