कोल्हापूर : शासकीय रुग्णालयांना बनावट औषधांचा पुरवठा केल्याप्रकरणी चार कंपन्यांविरोधात जुना राजवाडा पोलिस ठाण्यात गुन्हा दाखल झाला. या कंपन्यांनी सुरत व ठाणे येथील कंपन्यांकडून ही औषधे घेतल्याचे समोर आल्याने गुन्ह्याची व्याप्ती वाढली आहे. कोल्हापुरातील विशाल एंटरप्रायजेससह ठाणे जिल्ह्यातील कॅभी जेनरीक स्टोअर, ॲक्टिवेन्टिस बायोटेक, जेनेरिकेज या कंपन्यांविरोधात अन्न व औषध प्रशासन विभागाचे औषध निरीक्षक भारत प्रकाश देवेकर यांनी फिर्याद दिली.