Kolhapur Accident News : घरगुती गॅसचा पुरवठा करणाऱ्या पाईपलाईनमध्ये स्फोट झाल्याची भीषण घटना कळंबा जेल परिसरातील मनोरमा कॉलनीमध्ये आज रात्री साडेदहाच्या सुमारास घडली. त्यामध्ये दोन लहान मुलांसह त्यांची आई आणि आजोबा जखमी झाले. इशिका अमर भोजणे (वय ३), प्रज्वल अमर भोजणे (वय साडेपाच), शीतल अमर भोजणे (२९), अनंत भोजणे (६०) अशी जखमींची नावे आहेत. त्यांना सीपीआरमध्ये दाखल करण्यात आले. स्फोटाची तीव्रता इतकी गंभीर होती, की त्यामध्ये घरातील प्रापंचिक साहित्याचे मोठे नुकसान झाले.