Gokul Milk Union Vote Counting kolhapur
esakal
Gokul Election Counting Process : गोकुळ दूध संघाच्या निवडणुकीत यंदा मतमोजणीवेळी सर्व तालुक्यांतील मतपत्रिका एकत्र करून मोजल्या जाणार आहेत. त्यामुळे कोणत्या तालुक्यात क्रॉस व्होटिंग झाले, याचा नेमका अंदाज बांधणे कठीण होणार आहे. दरम्यान, १८ ऑक्टोबरला होणाऱ्या निवडणुकीसाठी जिल्ह्यातील ३५ मतदान केंद्रांवर ५ हजार ४१८ मतदार मतदानाचा हक्क बजावणार आहेत. संचालक मंडळाच्या २५ जागांसाठी ५० उमेदवार रिंगणात असून, १९ ऑक्टोबरला सकाळी आठ वाजल्यापासून कसबा बावडा येथील शासकीय बहुउद्देशीय सभागृहात मतमोजणी होणार आहे.
