Hasan Mushrif : राजू शेट्टींची पदयात्रा सुरु असतानाच अचानक मुश्रीफांची एन्ट्री; दोघांनी एकमेकांना हात जोडले अन्..

सेनापती कापशी : पालकमंत्री हसन मुश्रीफ (Hasan Mushrif) आणि आक्रोश पदयात्रेतील स्वाभिमानी शेतकरी संघटनेचे नेते माजी खासदार राजू शेट्टी (Raju Shetti) यांची कापशी ते मुरगूड मार्गावर हळदवडे (ता. कागल) येथे भेट झाली.

मंत्र्यांनी गाडीतून उतरून त्यांच्याशी हस्तांदोलन, नमस्कार केला आणि मार्गस्थ झाले. काल (शनिवार) सायंकाळी साडेचारच्या सुमारास हळदवडे येथून मुरगूडकडे माजी खासदार शेट्टी कार्यकर्त्यांसह आक्रोश पद यात्रेतून जात होते.

याचवेळी काळम्मा बेलेवाडी येथील आनंदराव पाटील यांचा वाढदिवस कार्यक्रम करून मंत्री मुश्रीफ मुरगूडच्या कार्यक्रमासाठी जात होते. त्यावेळी कापशी-मुरगूड मार्गावर हळदवडे येथे त्यांची रस्त्यात भेट झाली.

मंत्री मुश्रीफ यांनी गाडीतून उतरून शेट्टी यांच्याशी हस्तांदोलन आणि विचारपूस केली. या वेळी ऊस दराच्या संदर्भात चर्चा होईल, असे अपेक्षित होते; मात्र औपचारिक भेटीनंतर मंत्री मुश्रीफ गाडीत बसून मुरगूडकडे मार्गस्थ झाले, तर शेट्टींची पदयात्रा मुरगूडच्या दिशेने निघाली.