Kolhapur Illegal Gender Test
esakal
Kolhapur Sex Determination Raid : बिद्री (ता. कागल) येथे मुख्य रस्त्यावरील श्रद्धा हॉस्पिटलमध्ये गर्भलिंग निदान करताना पोलिसांनी छापा टाकून डॉक्टरसह एका एजंटाला आज सायंकाळी ताब्यात घेतले. डॉ. युवराज विठ्ठल पाटील (वय ४५, रा. सोनाळी, ता. कागल) आणि एजंट संभाजी वसंत शिंदे (४०, रा. बोरीवडे, ता. कागल) अशी त्यांची नावे आहेत. त्यांच्याकडील पोर्टेबल सोनोग्राफी मशीन, गर्भपातासाठीच्या गोळ्या, तसेच रोकड जप्त केली आहे. स्थानिक गुन्हे अन्वेषण आणि इस्पूर्ली पोलिस ठाण्याच्या पथकाने कारवाई केली. मुरगूड पोलिस ठाण्यात रात्री उशिरापर्यंत गुन्हा नोंद करण्याचे काम सुरू होते.