Transgender Candidate Introduces Creative Folk-Art Based Campaign
Sakal
कागल : नगरपालिका निवडणुकीत प्रभाग क्रमांक ५ अ मधून तृतीयपंथीय नागरिक जावेद अब्बास पिंजारी यांनी अपक्ष अर्ज दाखल केल्यानंतर त्यांना ‘नारळ’ हे निवडणूक चिन्ह मिळाले असून, त्यांच्या प्रचाराची अनोखी पद्धत कागल शहरात चर्चेचा विषय ठरत आहे. जावेद पिंजारी यांनी पारंपरिक कॉर्नर सभांसोबतच गीत-संगीताने सजलेले विशेष कार्यक्रम आयोजित करून मतदारांचे लक्ष वेधून घेतले आहे. त्यांचे तृतीयपंथीय बांधव मोठ्या संख्येने प्रचारासाठी पुढे सरसावत असून, समाजातील विविध घटकांनाही या मोहिमेत सहभागी करून घेतले जात आहे.
