कोल्हापूर : आंबोली मार्गावर बर्निंग कारचा थरार
आजरा - आजरा आंबोली मार्गावर वेळवट्टी नजीक एका चालत्या कारने अचानक पेट घेतल्याने या मार्गावर पहाटे वाहनधारकांना बर्निंग कारचा थरार पहायला मिळाला. आज पहाटे चार वाजण्याच्या सुमारास ही घटना घडली असून सुमारे सहा लाख रुपयांचे नुकसान झाले आहे. तासाभरातच ही गाडी पूर्णपणे जळून खाक झाली आहे. चालक व गाडीतील प्रवाशांनी प्रसंगावधान राखून आपला जीव वाचवला असल्याची माहिती मिळाली आहे.
दरम्यान, रामप्रसाद नरहरी कावळे (वय ३२) रा. गणेशनगर (ता. जालना ) यांनी या घटनेची आजरा पोलिसांत माहिती दिली आहे. कावळे महिंद्रा कंपनीची xuv500 (एमएच ४६ पी ५६१२) या कारने सावंतवाडीहून आजराकडे येत होते. वेळवट्टी नजीक अचानक चारचाकीने पेट घेतला. प्रसंगावधान राखत त्यांनी व त्यांच्या सहकाऱ्यांनी आपला जीव वाचवला. सुमारे तासभरात काळ जळून खाक झाली. या रस्त्यावरून येणारी वाहने आणि पहाटे फिरायला जाणाऱ्यांची गर्दी होती. सर्वत्र धूर व आगीच्या ज्वाळा लांबूनही दिसत होत्या. पोलिस हवलदार दत्ता शिंदे अधिक तपास करीत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.