कोयत्याने सपासप वार करत तरुणाचा निर्घृण खून; डोक्यात आठ वर्मी घाव, कवटी फुटली, मनगटातून तोडला हात

पेठवडगाव : अंबप (ता. हातकणंगले) येथे पूर्ववैमनस्यातून तीन तरुणांनी धारदार कोयत्याने हल्ला करून एका तरुणाचा निर्घृण खून (Murder Case) केला. यश किरण दाभाडे (वय १९, रा. अंबप, ता. हातकणंगले) असे त्याचे नाव आहे. हल्लेखोरांनी त्याच्या डोक्यात वर्मी घाव घातल्याने तो जागीच कोसळला. अंबपमधील पाण्याच्या टाकीसमोर सायंकाळी सातच्या सुमारास हल्ला झाला.