Kolhapur Ganesh Visarjan
esakal
कोल्हापूर : महाद्वार रोडवर आलेल्या मंडळांना एका जागेवर २० मिनिटेच थांबण्याची संधी दिली जाईल. राजारामपुरी आगमन मिरवणुकीप्रमाणे या मार्गावरही सात ठिकाणी सिग्नल लावले आहेत. ‘दिग्गज’ मंडळांची दादागिरी आता खपवून घेतली जाणार नाही, असा इशारा पोलिस अधीक्षक नीलोत्पल यांनी दिला आहे.
भाविकांमधील चेंगराचेंगरीचे प्रसंग टाळण्यासाठी सर्व ‘मिक्सिंग पॉईंट’वर अनुभवी अधिकाऱ्यांची नेमणूक केली असून, एक हजार पोलिसांचा बंदोबस्त नेमला आहे. गणेश आगमन मिरवणुकीवेळी राजारामपुरीत पोलिस प्रशासनाने ‘टायमर’चा प्रयोग यशस्वी केला.
आता विसर्जन मिरवणुकीतही हा प्रयोग केला जाणार आहे. मिरजकर तिकटी ते गंगावेश मार्गावर सात ठिकाणी सिग्नलआधारेच मंडळांना इशारा दिला जाईल. वीस मिनिटांहून अधिक वेळ मंडळाला एका ठिकाणी थांबून मिरवणूक रेंगाळत ठेवता येणार नाही.
मुख्य मार्ग बिनखांबी गणेश मंदिराकडून पापाची तिकटीकडे जातो. या मार्गावरून भाविकांनी उलट्या दिशेने येऊ नये. ताराबाई रोड, जोतिबा रोड, गुजरी रोड, भेंडे गल्ली या मार्गांवरूनही मुख्य मिरवणुकीत प्रवेश करण्यास मनाई केली आहे. पिशवीकर हॉस्पिटल, कसबा गेट चौकी, पुष्कराज तरुण मंडळ, गुजरी कॉर्नर मार्गावरून प्रवेश बंद केला आहे.
पोलिस अधीक्षक
१
पोलिस उपअधिक्षक
७
पोलिस निरीक्षक
२७
१००
सहा. निरीक्षक/उपनिरीक्षक
७६६
