कोल्हापूर (राहुल गडकर) : ग्रामपंचायतीत अविश्वास ठरावावेळी महिला उपसरपंचानं स्वत:च्याच विरोधात मतदान केलं. यामुळे महिलेला तिचं पद सोडण्याची वेळ आली. जेव्हा आपण आपल्याच विरोधात मत दिलंय हे महिला उपसरपंचाला समजलं तेव्हा तिने तहसिलदारांसमोर गोंधळ घातला. शिरोळ तालुक्यातील खिद्रापूर इथं हा प्रकार घडला आहे. गोंधळामुळे चुकून स्वत:विरोधात मत दिलं असं उपसरपंच पूजा पाटील यांनी म्हटलं. पण तहसिलदारांनी पूजा पाटील यांची फेरमतदानाची मागणी फेटाळून लावत न्यायालयात दाद मागा असा सल्ला दिला.