Kolhapur Lawyer Trapped : वकिलानेच घेतली लाच, प्रांताधिकाऱ्यांच्या नावाने लाखो रूपये उकळत होता...; तक्रारदाराने घडवली अद्दल

लाच घेताना वकिलाला अटक – शाहूपुरीतील ॲड. विनायक सुरेश तेजम (३७) याला लाचलुचपत प्रतिबंधक विभागाने २५ हजारांची लाच घेताना रंगेहाथ पकडले.

प्रकरणाची पार्श्वभूमी – करवीर तालुक्यातील ५७ गुंठे जमीन ‘बी-टेन्युअर’मुक्त करण्यासाठी तक्रारदाराने फेब्रुवारी २०२५ मध्ये अर्ज दिला होता. ॲड. तेजमने करवीर प्रांत कार्यालयात आपली खास ओळख असल्याचे सांगून काम करून देण्याचे आश्वासन दिले.

आधीच मोठी रक्कम घेतली होती – ॲड. तेजम याने याआधीच तक्रारदाराकडून १.६५ लाख रुपये घेतले होते. नंतर आणखी २५ हजार रुपयांची मागणी केली.