Kolhapur Mumbai Special Train : दिवाळीत गावी जाणाऱ्यांसाठी खूशखबर! मध्य रेल्वेकडून कोल्हापूर ते मुंबई, कलबुर्गीसाठी विशेष गाड्या जाहीर; पाहा रेल्वे गाड्यांचं वेळापत्रक

कोल्हापूर : दिवाळी व सणासुदीच्या काळात वाढणारी प्रवाशांची गर्दी लक्षात घेत मध्य रेल्वेतर्फे कोल्हापूरहून मुंबई व कलबुर्गीसाठी विशेष गाड्या जाहीर केल्या आहेत. कोल्हापूर-मुंबई (छत्रपती शिवाजी महाराज टर्मिनस) साप्ताहिक विशेष गाडीच्या दोन्ही दिशेने सहा फेऱ्या, तर कोल्हापूर-कलबुर्गी गाडीच्या दोन्ही दिशेने ३२ फेऱ्या होणार आहेत. त्यामुळे दिवाळीच्या सुटीत मुंबईसह पश्‍चिम महाराष्ट्र, सोलापूर व उत्तर कर्नाटकाकडे जाणाऱ्या प्रवाशांना दिलासा मिळणार आहे.