Kolhapur Shahi Dussehra : शाही दसरा सोहळा, अडीचशे वर्षांची परंपरा; हत्तींची जागा घेतली मेबॅक मोटारीने, छत्रपतींची अगवाणी पोलिस दलाकडून

Kolhapur Shahi Dussehra 250 Year : नंदिनी नरेवाडी : करवीर संस्थानच्या शाही दसरा (सीमोल्लंघन) सोहळ्याला ऐतिहासिक महत्त्व आहे. करवीर छत्रपतींची राजधानी कोल्हापूरमध्ये दरवर्षी आयोजित केल्या जाणाऱ्या या शाही दसरा महोत्सवास जवळपास अडीचशे वर्षांचा इतिहास आहे. मात्र, हा शाही दसरा सोहळा नावारूपास आला, तो राजर्षी शाहू महाराज यांच्या काळात. शाहू महाराजांनी या सोहळ्याला एक वेगळेच वैभव प्राप्त करून दिले. शहराच्या मध्यभागी असणाऱ्या दसरा चौकात हा सोहळा सजतो. दसरा सोहळ्यासाठी जी मिरवणूक निघते, त्या मिरवणुकीस ‘छबिना मिरवणूक’ म्हणून ओळखले जाते.