Talathi Office Bribery : वडिलांचे नाव लावायला उपसरपंच, तलाठ्याने गाठली खालची पातळी, ‘लाचलुचपत’ पथक आलं शेतकऱ्याच्या मदतीला

Kolhapur Bribery Case : सात-बारा पत्रकी वडिलांचे नाव लावण्यासाठी तक्रारदाराकडून पाच हजारांची लाच घेताना शिंगणापूरच्या उपसरपंचासह तलाठ्याला आज पकडण्यात आले. तलाठी इरफान दिलावर सनदी (वय ४१, रा. शिवाजी कॉलनी, लाईन बाजार) व उपसरपंच दीपक सदाशिव कांबळे (४३, रा. शिंगणापूर) अशी अटक केलेल्यांची नावे आहेत. ग्रामपंचायत कार्यालयात दुपारी दोनच्या सुमारास ही कारवाई झाली.