कोल्हापूर - इंधन दरवाढ तसेच रावसाहेब दानवे यांच्या वादग्रस्त विधानाविरोधात आज शिवसेनेच्या वतीने बिंदू चौकात आंदोलन झाले. यावेळी श्री. दानवे यांच्या प्रतिमेला प्रतिकात्मक जोडे मारण्यात आले.
महागाईचा आगडोंब वाढत असून त्यात जनता होरपळत आहे. मोदी सरकारला आता चले जाव म्हणण्याची वेळ आली आहे.
शेतकऱ्यांसंबंधी वादग्रस्त वक्तव्य करणाऱ्या श्री. दानवे यांना आता उपचाराची गरज असल्याचे मत जिल्हाप्रमुख संजय पवार यांनी व्यक्त केले. यावेळी श्री. दानवे यांच्या विरोधात जोरदार घोषणा देण्यात आल्या. सत्तेवर येण्याआधी सर्व देशवासियांना मोठी स्वप्ने दाखवली. पण, सत्तेवर येताच प्रत्येक क्षेत्रात महागाईचा आलेख वाढत गेला. देशाचा विकास, सुरक्षितता, सर्वसामान्य माणसांचा भाजप सरकारला विसर पडला. निवडणुकीत मोठ्या प्रमाणावर पैसा देणाऱ्या काही उद्योजकांचाच विचार केला गेला. त्यामुळे महागाई वाढली असाही आरोप यावेळी करण्यात आला. यावेळी जिल्हाप्रमुख विजय देवणे, अतुल साळोखे, प्रा. शिवाजीराव पाटील, हर्षल सुर्वे, मंजित माने, नरेश तुळशीकर, नीलेश जाधव, शुभांगी पोवार, स्मिता सावंत, मेघना पेडणेकर, कमल पाटील आदी आंदोलनात सहभागी झाले.
संपादन - धनाजी सुर्वे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.