कोल्हापूर - 30 गव्यांचा कळप दिसला खोतवाडीत

कोल्हापूर - पन्हाळा तालुक्यात आज पुन्हा एकदा गव्यांच्या कळपाचे दर्शन झाले. दिवसाढवळ्या एका पाठोपाठ एक असे 30 हुन अधिक गवे पहायला मिळाले आहेत. (kolhapur News) पहिल्यांदाच एवढा मोठा गवांचा कळप दिसल्याने नागरिकांत भितीचे वातावरण पसरले आहे. (Kolhapur Breaking News)

दरम्यान, पन्हाळा तालुक्यातील वाघवे पैकी खोतवाडी या परिसरात गव्यांचे (Bison) दर्शन झाले आहे. राधानगरी- आजरा परिसरातील अभयारण्यात मोठ्या प्रमाणात गवे आहेत. दाजीपूर (Dajipur) हे गव्यांसाठी प्रसिद्ध असणारे अभयारण्य आहे. त्यामुळे अनेकवेळा हे गवे बाहेर पडतात असे वनविभागानेही सांगितले आहे. या भागात वारंवार गव्यांचे दर्शन होते. मात्र यावेळी पन्हाळा तालुक्यात पहिल्यांदाच इतक्या मोठ्या कळपाने गवे एकाचवेळी दिसले आहेत. दरम्यान, शेतीचे नुकसान होऊ नये म्हणून ग्रामस्थांनी गव्यांना (Bison) जंगलाच्या दिशेने उसकवून लावले आहेत.

पन्हाळा (Panhala) तालुका आणि आजूबाजूच्या परिसरात बऱ्याचवेळा गवे पहायला मिळतात, असे तेथील स्थानिक आणि ग्रमास्थांनी सांगत असतात. मध्यंतही गव्यांच्या कळपांचे व्हिडिओ सुद्धा व्हायरल झाले होते. मात्र यावेली गव्यांचा कळप मोठा असून यात सुमारे ३० गवे असल्याचा अंदाज व्यक्त केला जात आहे. मागील काही दिवसांपूर्वीही असाच एक गवा कोल्हापूर शहरात फिरत होता. मात्र काही दिवसांनी तो पुन्हा जंगलात गेला असल्याची माहिती मिळाली. आता पुन्हा या परिसरात मोठ्या संख्येने गवे फिरत असल्याने ग्रामस्थांत भितीचे वातावरण निर्माण झाले आहे.