अन् उपस्थितांनी सुटकेचा निश्वास सोडला; बिबट्या मादीने नेले पिल्लास | Sakal
sakal

बोलून बातमी शोधा

leopard
अन् उपस्थितांनी सुटकेचा निश्वास सोडला; बिबट्या मादीने नेले पिल्लास

अन् उपस्थितांनी सुटकेचा निश्वास सोडला; बिबट्या मादीने नेले पिल्लास

वाटेगांव: वाळवा येथील पश्चिम भागातील खोरी मळ्यात शिवाजी शंकर गावडे यांच्या शेतात बिबट मादीने जन्म दिलेल्या पिल्याला रात्रीच उचलून न्हेल्याचा प्रकार वनविभागाने लावलेल्या सीसीटीव्हीत(cctv)कैद झाला.त्यामुळे गावडे यांच्यासह ऊसतोड मजुरांनी व प्राणी मित्रांनी सुटकेचा निश्वास सोडला .

वाटेगांव ता.वाळवा येथील शिवाजी गावडे यांच्या गट नंबर .९०५ या ऊसाच्या शेतामध्ये मंगळवारी दुपारी ऊस तोडणी मजुरांना बिबट मादी व बछडा दिसल्याने ऊसतोड थांबवली.यावेळी ऊस पेटवणे, किंवा बिबट्याला हाकलून लावणे असा विचार काहींनी व्यक्त केला.परंतु येथील वनविभाग अधिकारी व प्राणी मित्रांनी येथील लोकांचे प्रबोधन केले.सायंकाळी वन विभागास कळविताच घटनास्थळी सुरेश चरापले वनपाल इस्लामपूर ,वनरक्षक अमोल साठे व वनमजूर यांनी जावून ऊस तोड मजूर व ग्रामस्थ यांना मार्गदर्शन व जनजागृती करुन बिबट वन्यप्राण्यापासुन स्वरंक्षण बाबत मागदर्शन केले.

हेही वाचा: कोल्हापूर - सतेज पाटील यांना कोरोनाची लागण

संबधित ठिकाणी १ बिबट मादी व बछडा असल्याची खात्री झाली.त्यांनतर वनविभागाच्या अधिकारी व कर्मचारी यांनी मादी व बछड्याची भेट घडुन आणण्याची व्यवस्था करुन रात्री ट्रॅप कॅमेरे लावले. रात्री सुमारे ९ वाजता बिबट मादीने ऊस शेतात प्रवेश करीत बछड्याला अलगद उचलून घेवून जातानाचे चलचित्र वनविभागाच्या ट्रॅप कॅमेरात कैद झाले.या घटनेनंतर सर्वांनी सुटकेचा निश्वास टाकला . सदरची कार्यवाही उपवनसंरक्षक विजय माने सहाय्यक वनसंरक्षक डॉ.अजित साजणे , वनक्षेत्रपाल श्री .सचिन जाधव यांचे मार्गदर्शनाखाली कार्यवाही करण्यात आली. शिराळा वनपरिक्षेत्रातील वनअधिकारी व कर्मचारी यांनी कामगिरी बजावली .याबाबत शिराळा वनक्षेत्रपाल सचिन शं .जाधव यांनी माहिती दिली.

बिबट्याचा बंदोबस्त कधी व कसा होणार?

वाळवा तालुक्यात बिबट्या चा अधिवासाबरोबरच पिल्ल्याचे जन्म व त्यांची ऊसशेतात होणारी वाढ मानवी जीवनास धोक्याचे संकेत आहेत.त्यामुळे नेमके किती बिबट प्राणी आहेत व त्यांचा बंदोबस्त कसा होणार याचे उत्तर वनविभागाकडे नाही.

Web Title: Leopard Kids Mother Female Leopard

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top