मराठा समाज समितीचे कार्यकर्ते आक्रमक ; आमदारांना भाषणास मज्जाव

हातकणंगले (कोल्हापूर) - तालुका सकल मराठा समाज समन्वय समितीच्या वतीने आज तहसील कार्यालयासमोर आयोजित लाक्षणिक उपोषणावेळी पाठिंबा देण्यास आलेल्या आमदार राजूबाबा आवळे यांना आंदोलकांच्या रोषाला सामोरे जावे लागले. आंदोलकांनी त्यांना भाषण करण्यास मज्जाव करत प्रश्नांचा भडिमार केला.

साडेबाराच्या सुमारास आंदोलनास पाठिंबा देण्यासाठी आमदार राजूबाबा आवळे आले. या वेळी भाषण करण्यासाठी उभे राहताच त्यांना मज्जाव केला. सायंकाळी आंदोलनाची सांगता झाली. प्रास्ताविक समन्वय समितीचे अध्यक्ष प्रा. रवींद्र पाटील यांनी केले. या वेळी सचिव भाऊसाहेब फास्के, बी. एम. पाटील, दयासागर मोरे, उपाध्यक्ष दीपक कुन्नूरे, पंडित निंबाळकर, तात्यासाहेब पाटील, ॲड. संग्रामसिंह निंबाळकर, सुनील काटकर, अमित गर्जे, दत्तात्रय पाटील, पंढरीनाथ ठाणेकर, बी. टी. जाधव यांनी मनोगत व्यक्त केले.

माजी उपसभापती दीपक वाडकर, नगरसेवक दीनानाथ मोरे, अभिजित लुगडे, माजी उपसरपंच चंद्रकांत जाधव, कोरोचीचे माजी सरपंच सुहास पाटील, सचिनकुमार शिंदे, दत्तात्रय संभाजी पाटील, अजित खुडे, स्वप्निल करडे, प्रल्हाद तालुगडे, अमर वरुटे, राजेंद्र वाडकर, संजय शिंदे, सुभाष पाटणकर, महादेव शिंदे, सुनील शिंदे, दीपक पोवार, तानाजी शिंदे, अविनाश शिंदे, शितल चव्हाण, सुनील भोसले, संतोष राशिवडे, गजानन खोत, दिलीप खोत आदी उपस्थित होते.आंदोलनास सभापती महेश पाटील, नगराध्यक्ष अरुण जानवेकर, नगरसेवक मयूर कोळी, रिपाइंचे अनिल कांबळे यांनी पाठिंबा दिला.

हे पण वाचा - वारणा कारखान्याची साखर जप्त करण्याचे साखर आयुक्तांचे आदेश

 
 पाठपुरावा करण्याची ग्वाही

आरक्षणासाठी महाविकास आघाडी सरकार कटिबद्ध असल्याचे आमदारांनी सांगण्याचा प्रयत्न केला, मात्र याच सरकारच्या काळात स्थगिती मिळाल्याचे सांगत आंदोलकांनी त्यांना निरुत्तर केले. आरक्षणप्रश्‍नी विधानसभेत आवाज उठविण्याची मागणी लावून धरतानाच जोपर्यंत आरक्षण मिळत नाही, तोपर्यंत  नोकरभरती करू नये. त्यावर आंदोलकांच्या भावना सरकारला कळविण्याची ग्वाही देत आमदार आवळे यांनी निरोप घेतला.

संपादन - धनाजी सुर्वे