Kolhapur Crime : नगरच्या प्रेमीयुगलांची कोल्हापुरात आत्महत्या

अंबाबाई मंदीर परिसराती घटना ः ‘एकत्र जगू नाही, पण मरु शकतो’ अशी चिठ्ठी
suicide
suicidesakal

कोल्हापूर : ‘एकत्र जगू नाही, पण मरू शकतो’ अशी चिठ्ठी लिहून अहमदनगर जिल्ह्यातील तामसवाडी (ता. नेवासा) येथील एका प्रेमीयुगुलाने कोल्हापूरातील (Kolhapur)श्री अंबाबाई मंदिर (Ambabai Tempal)परिसरातील एका यात्रीनिवासमध्ये (धर्मशाळा) गळफास लावून आत्महत्या केल्याची घटना उघडकिस आली. राहूल विश्वासराव मच्छे (Rahul Machche)(वय २५), प्रियंका विकास भराडे (२२) (Priyanka Bharade)अशी आत्महत्या केलेल्या दोघांची नावे आहेत. या घटनेमुळे परिसरात एकच खळबळ उडाली.

राहूल मच्छे व प्रियंका भराडे हे एकाच गावचे रहीवासी आहेत. प्रियंकाचे तीन वर्षापूर्वी गावातच एकाशी विवाह झालेला आहे. गेले काही वर्षे दोघांमध्ये प्रेमसंबध होते. ते दोघे ३१ डिसेंबर २०२१ रोजी एस.टी. बसने कोल्हापूरात आले. ते ताराबाई रोडवरील एका यात्रीनिवासमध्ये उतरले. शुक्रवारी सायंकाळी त्यांनी रुमचा दरवाजा बंद केला. तो उघडला नसल्याने यात्रीनिवास मालकांना शंका आली. त्यांनी जुना राजवाडा पोलीस ठाण्याशी संपर्क साधला. जुना राजवाडा पोलीस ठाण्याचे निरीक्षक दत्तात्रय नाळे, उपनिरीक्षक संदीप जाधव व उपनिरीक्षक प्रितम पुजारी यांनी संबधीत यात्री निवासला भेट दिली. त्यांनी रुमचा दरवाजा तोडून काढला असता दोघा प्रेमीयुगलांनी फॅनच्या हुकाला साडीने गळफास लावून आत्महत्या केल्याचे निदर्शनास आले.

suicide
हसन मुश्रीफ,सतेज पाटलांनी आमचा वापर केला; सेनेचा आरोप

सायंकाळी उशीरा या दोघांचेही पालक कोल्हापुरात दाखल झाले. पहिल्यांदा तरूणाचे पालक आले, त्यांनी आपल्या मुलाचा मृतदेह ओळखला. या दोघांवर कोल्हापुरातच अंत्यसंस्कार करण्याचा निर्णय दोघांच्याही पालकांनी घेतला.

‘दोघे एकत्र जगू नाही, पण मरु शकतो’

आत्महत्या करण्यापूर्वी प्रियंका हिने लिहून ठेवलेली चिठ्ठी पोलिसांना मिळाली. त्यामध्ये, आम्ही प्रेम करतो, पण प्रेम कोणाला कळले नाही. आम्ही दोघे एकत्र जगू शकत नसलो तरी मरु मात्र शकतो असे लिहीले आहे. ‘गूड बाय २०२२’ असेही चिठ्ठीत शेवटी लिहले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com