Navratri In Kolhapur : श्री. अंबाबाईची पूजा कमलालक्ष्मी रुपात, कसा असतो कोल्हापूरचा नवरात्रोत्स? रोज रात्री पालखी सोहळा...

Kolhapur Ambabai Mandir : दुष्ट प्रवृत्तींचा संहार करून भक्तांवर आपली कृपादृष्टी ठेवणारी आदिमाया, आदिशक्ती करवीर निवासिनी श्री अंबाबाईच्या शारदीय नवरात्रोत्सवाला आजपासून मंगलमय वातावरणात प्रारंभ झाला. सकाळी साडेआठच्या सुमारास तोफेची सलामी देऊन मंदिरात घटस्थापना झाली आणि उत्सवाला प्रारंभ झाला. पहिल्या दिवशी महाविद्या श्रीकमलालक्ष्मी माता रूपात देवीची सालंकृत बैठी पूजा बांधण्यात आली होती. संपूर्ण मंदिर पाने, फुले आणि फळांनी सजविण्यात आल्याने भाविकांना एक वेगळीच अनुभूती मिळाली.