कोल्हापुरात खत दरवाढीविरोधात राष्ट्रवादीची निदर्शने

निवासी उपजिल्हाधिकाऱ्यांना निवेदन; तीव्र आंदोलनाचा इशारा
कोल्हापुरात खत दरवाढीविरोधात राष्ट्रवादीची निदर्शने

कोल्हापूर : पेट्रोल - डिझेलसह शेतीसाठी आवश्यक असणाऱ्या रासायनिक खतांच्या किंमतीत मोठ्या प्रमाणात वाढ केल्याच्या निषेधार्थ जिल्हा व शहर राष्ट्रवादी काँग्रेसच्यावतीने महाराणा प्रताप चौकात तीव्र निदर्शने करण्यात आली. यावेळी मागण्यांचे निवेदन निवासी उपजिल्हाधिकारी भाऊसाहेब गलांडे यांना देण्यात आले. खतांची दरवाढ रद्द न केल्यास तीव्र आंदोलनाचा इशारा यावेळी देण्यात आला.

निवेदनामध्ये म्हटले आहे, केंद्र सरकारने इंधन दरवाढीबरोबरच रासायनिक खतांच्या दरात वाढ केली आहे. यामुळे सर्वसामान्य जनता आणि शेतकऱ्यांना मोठा धक्का बसला आहे. 10:26:26 : या खताची किंमत 600 रूपये तर डीएपी खतांची किंमत 715 रूपयांनी वाढवली आहे. यापूर्वी डीएपी हे खत 1185 रूपयांना मिळत होते, ते आता 1900 रूपयांना मिळणार आहे. याशिवाय पोटॅशच्या किंमतीतही वाढ केली आहे.

कोल्हापुरात खत दरवाढीविरोधात राष्ट्रवादीची निदर्शने
ज्यांच्या प्रेमामुळे खासदार पदापर्यंत पोचलोय, आज तीच माणसं..; शेतकऱ्यांच्या मृत्यूनं राजू शेट्टी हतबल

रासायनिक खतांच्या किंमतीत भरमसाठ वाढ करून शेतकऱ्यांना देशोधडीला लावण्याचे पाप भाजप सरकारने केले आहे. कोरोनामुळे देशातील शेतकरी अगोदरच अडचणीत असताना आता खतांचे दर स्थिर ठेवणे व त्यापेक्षा ते कमी करणे आवश्यक होते. मात्र तसे न होता दरवाढ करून शेतकऱ्यांचे कंबरडे मोडण्याचा सरकारचा प्रयत्न असल्याचा आरोप यावेळी करण्यात आला. ही दरवाढ तत्काळ रद्द न केल्यास भविष्यात तीव्र आंदोलन केले जाईल, असा इशारा निवेदनाद्वारे दिला आहे .

या आंदोलनात जिल्हाध्यक्ष ए.वाय.पाटील, आर.के.पोवार, अनिल साळोखे, सुनील देसाई, मधुकर जांभळे, आदिल फरास, प्रताप उर्फ भैया माने, सुहास साळोखे, जयकुमार शिंदे, रमेश पोवार यांच्यासह प्रमुख कार्यकर्ते उपस्थित होते.

कोल्हापुरात खत दरवाढीविरोधात राष्ट्रवादीची निदर्शने
शिवसेनेची जिल्हाधिकार्‍यांकडे मागणी: 'माझा डॉक्टर संकल्पना' कोल्हापूर जिल्ह्यात राबवा

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com