बच्चन कांबळेसह टोळक्याला १२ दिवसांपूर्वी कोयत्यासह दहशत व तोडफोडप्रकरणी अटक करण्यात आली होती. त्यानंतर पुन्हा धारदार हत्यारांसह दहशत माजवली.
इचलकरंजी : माजी नगरसेवकाने खंडणी मागितल्याची घटना ताजी असताना शहरातील सहकारनगर परिसरात बांधकाम ठेकेदाराकडून दोन लाख रुपयांची खंडणी मागून तलवार कोयत्यासह दहशत माजविण्याचा प्रकार घडला. याप्रकरणी गावभाग पोलिसांनी (Ichalkaranji Police) बच्चन टोळीतील नऊ जणांना अटक केली आहे. याबाबतची फिर्यादी दत्ता उत्तरेश्वर शेंडगे (वय ४५, रा. सहकारनगर) यांनी पोलिस ठाण्यात दिली.
