कोल्हापूर - एसटी महामंडळाचे राज्य शासनात विलीनीकरण करावे या मागणीसाठी राज्यभरातील एसटी कर्मचाऱ्यांनी मुंबईतील आझाद मैदानावर ठिय्या आंदोलन सुरू केले आहे. आज राज्य शासनाने एसटी कर्मचाऱ्यांच्या वेतनात भरघोस वाढ केली असली तरी विलिनीकरणाचा मुद्दा मान्य केलेला नाही. त्यामुळे हा संप मागे घ्यायचा की नाही घ्यायचा याबाबतचा निर्णय अंतिम निर्णय एसटी कर्मचारी उद्या गुरुवारी सकाळी घेणार आहेत. संपाबाबतची पुढील घोषणा मुंबईतील आझाद मैदानावर होईल. त्यानंतरच कोल्हापुरात तील संप मागे घेण्याबाबत निर्णय होईल. अशी माहिती एसटी कर्मचाऱ्यांच्या वतीने देण्यात आली. त्यामुळे संप मागे घेण्याबाबत संभ्रम कायम आहे.
साडेआठ वाजल्यानंतर मध्यवर्ती बस स्थानकातील बहुतांशी संपकरी कर्मचारी निघून गेले तर एसटी प्रवासी वाहतूक सुरू होईल. या प्रतीक्षेत अनेक प्रवासी बसस्थानकात येऊन थांबले आहेत. मात्र, संप मागे घेण्याबाबत कोणताही निर्णय न झाल्याने कोल्हापुरातून एकही गाडी अद्यापि सुटलेली नाही. एसटी प्रशासनाच्या पातळीवर सुद्धा वाहतूक सुरू करण्याविषयी कोल्हापुरात तरी कोणताही निर्णय झालेला नाही त्यामुळे बहुतांशी गाड्या मध्यवर्ती बसस्थानकाच्या मागील आगारात थांबून आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
