कोल्हापूर : 'भावा कुठे निघालास? काय काम आहे तुझे? आज जनता कर्फ्यू आहे हे तुला माहीत नाही का?,' अशी प्रश्नांची सरबत्ती करत रस्त्यावर दिसणाऱ्या दुचाकी-चारचाकी वाहनधारकांना पोलिसांनी चांगलेच खडे बोल सुनावले. कोरोनाचा प्रादुर्भाव टाळण्यासाठी स्वयंस्फूर्तीने नागरिक सहभागी होत असताना 'तुम्ही रस्त्यावर का?,' या प्रश्नाचे उत्तर देताना वाहनधारकांची बोबडी चांगलीच वळली.
कोरोनाचा प्रादुर्भाव टाळण्यासाठी आजच्या जनता कर्फ्यूमध्ये नागरिक उत्स्फूर्तपणे सहभागी झाले. रस्त्यावर किंबहुना घराबाहेर पडणेही त्यांनी टाळले. हे चित्र एकीकडे असताना एखाद-दुसरे दुचाकी व चारचाकी वाहन रस्त्यावर, चौकात दिसताच पोलिसांकडून ते अडवले जात होते. वाहन चालकाला पोलिसांच्या प्रश्नांची उत्तरे देताना नाकीनऊ येत होते. कोरोनाचा प्रादुर्भाव टाळण्यासाठी पुन्हा घरी जाऊन थांबण्याची विनंती पोलिसांकडून करण्यात येत होती.
तुम्ही रस्त्यावर का ?
तुला माहीत नाही का?
मेजर ध्यानचंद हॉकी स्टेडियम, इंदिरा-सागर हॉटेल चौक, आर. के. नगर नाका परिसरात चोख पोलिस बंदोबस्त होता. आर. के. नगर नाका परिसरात दुचाकी वाहनधारकाला पोलिसांनी अडवून त्याची चौकशी केली. नातेवाईक रुग्णालयात असल्याने त्यांच्या भेटीसाठी जात असल्याचे सांगताच त्याला पोलिसांनी जाण्याची परवानगी दिली. इंदिरा-सागर हॉटेल चौकातही पोलिसांचा ठिय्या होता. चौकात आलेल्या दुचाकीस्वारांना त्यांनी पुन्हा घरी परतण्याची सूचना केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
