Shaktipith Highway : ​‘शक्तिपीठ’ महामार्गाचा धनदांडग्यांनाच फायदा, शेतकऱ्यांचे मात्र 'पीठ' होणार; नव्या आरेखनाविरोधात शेतकरी आक्रमक

Shaktipith highway farmers protest : शक्तिपीठ महामार्गाच्या माध्यमातून नेमकी शक्ती कोणाला मिळणार, हा प्रश्न असून, या प्रकल्पातून धनदांडग्यांचेच भले होणार आहे. सामान्य शेतकऱ्याचे मात्र ‘पीठ’ होणार आहे. ज्याप्रमाणे टोल हद्दपार केला, त्याचप्रमाणे शक्तिपीठ महामार्गही हाणून पाडण्याचा निर्धार खुपिरे (ता. करवीर) येथील शेतकरी मेळाव्यात केला. रयत सहकारी संघाचे संचालक कुंडलिक पाटील यांच्या अध्यक्षतेखाली ही बैठक झाली.