extreme weather
sakal
कोल्हापूर : जिल्ह्यात अनेक ठिकाणी आज वादळी वाऱ्यासह वळीव पावसाने जोरदार हजेरी लावली. शहरात सायंकाळी अचानक पडलेल्या या पावसाने नागरिकांची मोठी तारांबळ उडाली. पाचगावमध्ये काही काळ गारा पडल्या. शहरात तीन ठिकाणी वीज कोसळली. राजाराम चौक येथे ट्रान्स्फार्मर पेटला; परंतु कोणीही जखमी झाले नाही. दिवसभर अंगाची लाहीलाही करणारा उष्मा होता. सायंकाळी चारनंतर ढगाळ वातावरण निर्माण होऊन उकाडा आणखीन वाढला.