Kolhapur ST News : संपाचा सुटीला फटका ; प्रवाशांची कोंडी | Sakal
sakal

बोलून बातमी शोधा

ST
कोल्हापूर : संपाचा सुटीला फटका ; प्रवाशांची कोंडी

कोल्हापूर : संपाचा सुटीला फटका ; प्रवाशांची कोंडी

कोल्हापूर : एसटी कर्मचाऱ्यांनी पुकारलेला संप मिटलेला नाही. एसटी प्रशासनाकडून कारवाईचा धडका सुरू आहे. अद्यापि ५५ टक्के कर्मचारी संपात सहभागी आहेत. राज्यातील केवळ ४५ टक्के प्रवासी वाहतूक सुरू आहे. त्यामुळे सुटीच्या काळात प्रवाशांची कोंडी झाली असून हाल सुरू आहेत.

हेही वाचा: UP Election : मालेगाव स्फोटातील आरोपीची उमेदवारी 'जदयू'कडून मागे!

संपकाळात एसटीला १२०० कोटींचा तोटा झाला. यापूर्वी १४०० कोटी रुपयांचा संचित तोटा आहे. यातच वेतनवाढ दिल्याने वर्षाला सहाशे कोटींचा बोजा वाढला. संपादरम्यान ५ हजार ५५५ कर्मचाऱ्यांना बडतर्फ केले आहे. १९ हजार २४ कर्मचारी निलंबित आहेत. अद्यापि जवळपास ४० हजारांवर कर्मचारी कामावर हजर झालेले नाहीत. कोल्हापूरमध्ये ११४ बडतर्फ, तर ३५० निलंबित आहेत. एसटी चालवणे मुश्कील झाले असून संप ताणल्याने प्रशासनाने पर्यायी व्यवस्था करण्यास सुरुवात केली आहे.

तांत्रिक कर्मचाऱ्यांना तसेच वाहतूक सेवेतील कर्मचाऱ्यांना तसेच निवृत्त चालकांनाही चालक-वाहक म्हणून नियुक्त्या देत प्रवाशी वाहतूक सुरू ठेवण्याचा प्रयत्न आहे. संपातील जवळपास ३० हजार कर्मचारी कामावर आले आहेत. त्या आधारावर राज्यात ४५ टक्के प्रवासी वाहतूक सुरू आहे. अशात प्रजासत्ताक दिन, साप्ताहिक सुटी असल्यामुळे अनेकजण परजिल्ह्यात आपापल्या गावी निघाले होते.

हेही वाचा: शेती उत्पन्न बाजार समितीच्या २९ कर्मचाऱ्यांची सेवा अधांतरीच

एसटीला गर्दी आहे. दीर्घ पल्ल्याची वाहतूक अद्यापि पूर्ण क्षमतेने सुरू झालेली नाही. त्यामुळे प्रवाशांची कोंडी झाली आहे. मराठवाड्यातून कोकण व गोव्याकडे तर कोल्हापुरातून नाशिक, औरंगाबाद, तुळजापूर, लातूर, सोलापूरकडे, कर्नाटकात जाणाऱ्या प्रवासी वाहतुकीच्या बसची संख्या कमी आहे. त्यामुळे अनेक प्रवासी खासगी आराम बस तसेच रेल्वेचा आधार घेत आहेत.

गैरसोय, फटका, वेतन पेच

परिवहन मंत्री ॲड. अनिल परब यांनी एसटी कर्मचाऱ्यांनी कामावर हजर व्हावे, बडतर्फीची केलेली कारवाई मागे घेतो असेही सांगितले. तरीही काही कर्मचारी मागणी व संपावर ठाम आहेत. यात प्रत्येक दिवशी लाखो प्रवाशांची गैरसोय होत आहे. एसटीच्या रोजच्या ७ ते १० कोटींच्या महसुलाला फटका बसत आहे. त्यामुळे भविष्यात महामंडळाला कर्मचाऱ्यांचे वेतन देण्यासाठी पुरेसा महसूल मिळेल की नाही, अशी शंका आहे.

Web Title: Strike Hit The Holidays

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :KolhapurEmployeesSTMSRTC
go to top