कोल्हापूर ; कागलचा उपकोषागार अधिकारी लाचलुचपतच्या जाळ्यात

कागल : उपकोषागार कार्यालयात सादर केलेली स्थानिक औषध खरेदीची बिले मंजूर करण्यासाठी दोन हजाराची लाच घेताना उपकोषागार अधिकारी लाचलुचपत खात्याच्या जाळ्यात अडकला. मिलिंद मधुकर कुलकर्णी (वय 55, उपकोषागार अधिकारी,  वर्ग - २, रा. प्लॉट नं. 69, अरुणोदय को.ऑप. सोसायटी, शाहू पार्क, राजेंद्र नगर, कोल्हापूर) असे त्याचे नाव आहे. 

याबाबत अधिक माहिती अशी, मुरगूड ( ता. कागल ) च्या ग्रामीण रुग्णालय येथील स्थानिक औषध खरेदीची बिले या कार्यालयात मंजूरीसाठी पाठविली होती. ती बिले मंजूर करण्यासाठी कुलकर्णी याने लाच मागितली होती. 

हे पण वाचा -  परवानाधारक शस्त्रे जमा करावी लागणार ; पोलिसांकडून मोहीम सुरू

आज सापळा रचून लाच घेताना त्यास रंगेहात पकडण्यात आले. पोलिस अधीक्षक राजेश बनसोडे व अपर पोलिस अधीक्षक सुरज गुरव, अपर पोलिस अधीक्षक सुहास नाडगौंडा यांच्या मार्गदर्शनाखाली पोलिस उपअधीक्षक आदिनाथ बुधवंत, सहाय्यक फौजदार संजीव बंबरगेकर, पोलिस नाईक कृष्णात पाटील, पोलिस कॉन्स्टेबल संदीप पडवळ, मयूर देसाई,  रुपेश माने, चालक पोलिस हेड कॉन्स्टेबल विष्णू गुरव यांनी या कारवाईत सहभाग घेतला.

संपादन - धनाजी सुर्वे