Kolhapur Crime News: इचलकरंजीतील संजय तेलनाडे अखेर पुण्यात जेरबंद | Sakal
sakal

बोलून बातमी शोधा

Sanjay Telnade

Kolhapur Crime News: इचलकरंजीतील संजय तेलनाडे अखेर पुण्यात जेरबंद

कोल्हापूर : गंभीर गुन्हे अंतर्गत डब्बल मोका लागलेला इचलकरंजीतील संशयित माजी नगरसेवक संजय तेलनाडे (Sanjay Telnade) याला जेरबंद करण्यात स्थानिक गुन्हे अन्वेषण शाखेला यश आले. पुणे (Pune)येथून त्याला ताब्यात घेतले असल्याची माहिती पोलिस अधीक्षक शैलेश बलकवडे (Shailesh Balkawade) यांनी पत्रकार परिषदेत दिली.

खंडणीसह गंभीर गुन्ह्यात संशयित संजय तेलनाडेसह सात जणांवर २०१९ मध्ये मोका अंतर्गत कारवाई करण्यात आली होती. त्याताली पाच संशयितावर पोलिसांनी कारवाई केली. मात्र या प्रकरणातील तेलनाडे व त्याचा भाऊ सुनील तेलनाडे (Sunil Telnade) हे दोघे गायब झाले होते. त्या दोघांचा पोलिस शोध घेत होते.

हेही वाचा: राज्यात आज 9170 कोरोना बाधित, तर 6 ओमिक्रॉन बाधितांची नोंद

दरम्यान संजय तेलनाडे पुण्यात असल्याची माहिती पोलिस अधीक्षक शैलेश बलकवडे, पोलिस निरीक्षक प्रमोद जाधव यांना मिळाली. त्यानुसार पथकाने आंबेगाव परिसरात छापा टाकून त्याला जेरबंद केले. त्याच्यावर 17 गुन्हे दाखल असल्याची माहिती पुढे येत असल्याचे अधीक्षक बलकवडे यांनी सांगितले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top