Kolhapur : सासनेनगरातील तरुणाच्या खूनप्रकरणी आणखी एकास अटक; पाच संशयितांवर गुन्हा दाखल असून, एक जण पसार

कोल्हापूर : कर्जाच्या बहाण्याने ६५ हजारांची फसवणूक केल्याच्या रागातून पाच जणांनी केलेल्या मारहाणीत प्रकाश जयवंत दळवी (वय ४२, रा. सासनेनगर) यांचा मृत्यू झाला होता. मारहाणीत जखमी झालेल्या दळवी यांना नाना पाटीलनगरातील फूटपाथवर फेकून पसार झालेल्या ओंकार अनिल पाटील (२८, रा. देऊळ गल्ली, शिरोली दुमाला) याला आज करवीर पोलिसांनी अटक केली. याप्रकरणी पाच संशयितांवर गुन्हा दाखल असून, एक जण पसार आहे.