Gram Panchayat Election Result : सांगलीत राष्ट्रवादीला दणका; आमदार गोपीचंद पडळकरांच्या मातोश्री सरपंचपदी विजय!

सांगली : आटपाडी तालुक्यातील (Atpadi Taluka) पडळकरवाडीत भाजप आमदार गोपीचंद पडळकर (Gopichand Padalkar) यांची एकतर्फी सत्ता आलीये. सरपंच पदाच्या उमेदवार असलेल्या पडळकर यांच्या मातोश्री हिराबाई पडळकर (Hirabai Padalkar) ह्या सरपंच पदावर विजयी झाल्या आहेत.

आटपाडीतील पडळकरवाडी ग्रामपंचायतमध्ये भाजपा आमदार गोपीचंद पडळकर यांच्या मातोश्री सरपंच पदासाठी निवडणूक लढवत होत्या. या निवडणुकीत हिराबाई कुंडलिक पडळकर या विजयी झाल्या आहेत. सरपंच पदी गोपीचंद पडळकर यांच्या मातोश्री हिराबाई पडळकर या तीनशे मतांनी निवडून आल्या आहेत.

याशिवाय, पडळकरवाडी ग्रामपंचायतीवरही आमदार गोपीचंद पडळकर यांच्या नेतृत्वाखाली एकहाती सत्ता आलीये. गोपीचंद पडळकर हे भाजपाचे विधान परिषदेचे आमदार आहेत. तसेच भाजपचे स्टार प्रचारक देखील आहेत. त्यांचे बंधू ब्रह्मनंद पडळकर हे जिल्हा परिषद सदस्य आहेत आणि आता पडळकरवाडी या त्यांच्या गावामध्ये सरपंच म्हणून त्यांच्या मातोश्री हिराबाई कुंडलिक पडळकर यांना विराजमान झाल्या आहेत.