बेळगावात पासधारक विद्यार्थ्यांना बसमधून खाली उतरविले | Sakal
sakal

बोलून बातमी शोधा

Pass holders in Belgaum students got off the bus

बेळगावात पासधारक विद्यार्थ्यांना बसमधून खाली उतरविले

बेळगाव : कल्लेहोळहून बेळगावला (Belgaum) येणाऱ्या दुपारच्या बसमधून भारतीय गुरुकल कॉलेजच्या (Indian Gurukul College) पासधारक विद्यार्थ्यांना खाली उतरविले. त्यात एक अपंग विद्यार्थी देखील होता. यामुळे विद्यार्थ्यांतून नाराजी दिसून आली. यानंतर कॉलेजच्या प्राचार्यानी (College Principal) त्या बसचा पाठलाग करून युनियन जिमखाना (Union Gymkhana) येथे त्या वाहकाला धारेवर धरले. यानंतर वाहकाने नमती भूमिका घेत पास बदलून घेण्याची कारणे दिली. वाहकाच्या या वागण्यामुळे प्रवाशांतून संतापाची लाट उसळली आहे. याकडे परिवहन अधिकाऱ्यांनी लक्ष द्यावे, अशी मागणी केली जात आहे.

हेही वाचा: PUNE : टाकाऊतून टिकाऊ चे बिबवेवाडीत प्रदर्शन 67 वर्षीय आजीचा उपक्रम

बेळगावहून उचगाव क्रॉस येथील महाविद्यालयात विद्यार्थ्यांची ये-जा असते. गेल्या वर्षीप्रमाणे यावर्षीही त्यांनी बसपास काढून घेतला आहे. गतवर्षी व यंदाही कोणत्याही अडचणींशिवाय हा बसपास चालला. मात्र, सोमवारी (ता. ३) विद्यार्थ्यांना बस पास चालत नाही, असे कारण देत बसमधून खाली उतरविण्यात आले. या विद्यार्थ्यानी प्राचार्य आनंद आपटेकर यांना या बद्दलची माहिती दिली. प्राचार्यानी बसचा पाठलाग करत बोगारवेस येथे त्या वाहकाला जाब विचारला. इतक्यात मागून येणाऱ्या बसमधून ते पासधारक विद्यार्थीही त्या ठिकाणी आले. वाहकाने टाळाटाळ करत बस पासमध्ये बदल करून घेण्याच्या सुचना केल्या. त्यानंतर तुम्ही अपंग विद्यार्थ्याला का उतरविले असा प्रश्‍न केला असता मी त्यांना उतरण्यासाठी सांगितले नसल्याचे उत्तर वाहकाने दिले.

हेही वाचा: दत्तात्रय यांच्या मिनी जिप्सीतून 'कृषीराज्यमंत्री' यांनी मारला फेरफटका

कल्लेहोळमधून दुपारी निघालेल्या के. ए. २२, एफ १५५४ या बसच्या वाहकाने त्या विद्यार्थ्यांना बसमधून खाली उतरविले होते.

वाहकाला मराठी येत होते, तरी देखील मराठीमध्ये बोलत असलेल्या विद्यार्थ्यांना व प्राचार्यांना कन्नडमध्ये बोलण्यास सांगितले. वाहकाच्या या प्रकारामुळे संताप व्यक्त केला जात आहे. मधुरा हॉटेलजवळून भारतीय गुरुकुलकडे जाता येते. मात्र, परिवहनच्या बसेस कल्लेहोळ क्रॉसजवळ थांबविल्या जातात. यामुळे कॉलेजमधील कर्मचाऱ्यांना चालत पल्ला गाठावा लागतो. याकडेही परिवहनच्या अधिकाऱ्यांनी लक्ष द्यावे, अशी मागणी होत आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top