सोलापूर : सोशल मीडियावर कधी काय व्हायरल होईल हे सांगता येईना बुवा! गेल्या महिन्यात विधानसभा निवडणूक झाली. तेव्हा भाजपचे देवेंद्र फडणवीस यांनी "मी पुन्हा येईन'चा नारा दिला होता. मात्र, त्यावर नेटिझन्सनी त्यांना चांगलेच ट्रोल केल्याचे आपण पाहिले. त्यानंतर मुख्यमंत्री म्हणून त्यांनी शपथही घेतली. त्यावर "मी पुन्हा आलो'ची घोषणा केल्याचेही आपण पाहिले. त्यावरून आता "या या आमच्या बोकांडी बसा...' या गाण्याने सोशल मीडियावर धुमाकूळ घातला आहे. मात्र, या गाण्याचा राजकीय घडामोडींशी संबंध नसल्याचे या गाण्याचे गायक साजन बेंद्रे यांनी "सकाळ'शी बोलताना सांगितले.
"मी पुन्हा येईन...'
2019 च्या विधानसभा निवडणुकीतील सरकार स्थापनेचा पेच दिवसेंदिवस वाढतच आहे. एक महिना होऊनही राज्यात स्थिर सरकार स्थापन झालेले नाही. त्यामुळे नेटकरीही सोशल मीडियावर संताप व्यक्त करत आहेत. भाजप, शिवसेना यांच्यासह मित्रपक्षांनी एकत्र येऊन महायुतीने तर कॉंग्रेस-राष्ट्रवादीसह इतर पक्ष एकत्र येऊन महाआघाडीने निवडणूक रिंगणात उतरले होते. प्रचारादरम्यान फडणवीस यांनी "मी पुन्हा येईन, मी पुन्हा येईन...' असा नारा देत मतदारांना विश्वास दिला होता. मात्र यावर त्यांना नेटकऱ्यांनी चांगलेच धारेवर धरले होते. त्यावर इंदोरीकर महाराज यांचा एक व्हिडिओ व्हायरल झाला होता. त्यात "या या या बसा आमच्या बोकांडी बसा...' असं म्हटलं होतं. त्याबरोबर महाराष्ट्र नवनिर्माण सेनेचे राज ठाकरे यांचाही व्हिडिओ व्हायरल झाला होता. त्यात "... मी पुन्हा मारीन' असं त्यांनी म्हटलं होतं.
पारंपरिक "चिरघोडी' खेळ राजकारणाशी मिळताजुळता
एक महिन्यापासून राजकीय घडामोडी वेगाने घडत आहेत. त्यात सोशल मीडियावरही अनेक विनोद फिरत आहेत. आता "या या या आमच्या बोकांडी बसा..!' या गाण्याने धुमाकूळ घातला आहे. इचलकरंजी (कोल्हापूर) येथील बेंद्रे यांनी हे गाणं गायलं आहे. मात्र, या गाण्याचा राजकारणाशी काही संबंध नसल्याचे सांगत ते म्हणाले, "चिरघोडी' हा आपल्याकडील पारंपरिक खेळ आहे. राजकीय विषयात हे वाक्य आता आलेले आहे. पूर्वी या खेळाला "चला बोकांडी बसून खेळूया' असंही म्हटलं जात होतं, असं ते म्हणाले. हे गाणं पारंपरिक असलं तरी सध्याच्या राजकीय परिस्थितीला मिळतंजुळतं असल्याने चांगलंच चर्चेत आलं आहे.
हेही वाचा : जनतेला बेडूकउड्या अजूनही आवडत नाही!
बेंद्रे यांची ही आहेत गाणी
साजन बेंद्रे यांचे सातवीपर्यंत शिक्षण झाले आहे. यापूर्वी त्यांची "आमदार झाल्यासारखं वाटतंय', "राडा-राडा', "शालू नाच नाच नाच', "बोल मैं हलगी बजाऊ क्या' ही गाणी लोकप्रिय ठरली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
