चोरट्याने खाल्ले कोंबड्यांचे खाद्य

आजरा (कोल्हापूर) ः साळगाव (ता. आजरा) येथील पोल्ट्रीतून 87 हजारांचे साहित्य चोरीला गेले. याबाबत पोल्ट्री मालक राजू लक्ष्मण केदारगोळ (रा. साळगाव, ता. आजरा) यांनी आजरा पोलिसांत फिर्याद दिली आहे.

हे पण वाचा - अन् मोपेडस्वार तरुणी पडली नदीत...

आजरा-पेरणोली रस्त्यालगत केदारगोळ यांची 5 हजार पक्ष्यांची पोल्ट्री आहे. गुरूवारी (ता. 9) केदारगोळ पुणे येथे गेले होते. शुक्रवारी मध्यरात्री चोरट्यांनी जाळी कट करून व दरवाजाची कडी उचकटून भांडी, इन्व्हरटर बॅटरी, जाळीचे बंडल, ताडपत्री, पाईपचे बंडल, ब्रुडर असे 87 हजारांचे साहित्य चोरून नेले. दोन महिन्यापूर्वी पेरणोली येथे दीपक सावंत व काका देसाई यांच्या पोल्ट्रीतून प्रत्येकी 20 पिशव्यांची चोरी केली होती. पेरणोली परिसरात पोल्ट्री खाद्याची सातत्याने चोरी होत असल्याने व्यावसायिक हवालदिल आहेत. 

हे पण वाचा - रायगडावर येऊन महाराष्ट्राची माफी मागा ; कोल्हापूरात शिवप्रेमी भडकले