निपाणी (बेळगाव) : काही वर्षांपासून अनेक वस्तूंची आयात-निर्यात, रकमेची देवाणघेवाण डिजिटलच्या माध्यमातून होत आहे. मात्र, या क्‍यूआर कोडपासून फेरीवाले व भाजीपाला विक्रेते वंचित होते. हे लक्षात घेऊन निपाणी पालिका आणि बॅंक ऑफ इंडियाच्या येथील शाखेने फेरीवाले आणि भाजीपाला विक्रेत्यांना क्‍यूआर कोड उपलब्ध केला आहे. बेळगाव जिल्ह्यात प्रथमच हा उपक्रम राबविल्याने भाजीपाला विक्रेते व फेरीवाल्यांतून समाधान व्यक्त होत आहे. नगराध्यक्ष जयवंत भाटले, उपनगराध्यक्षा नीता बागडे, सभापती सद्दाम नगरजी व मान्यवरांच्या उपस्थितीत उपक्रमाचा प्रारंभ झाला.
शहरातील फेरीवाले आणि भाजी विक्रेत्यांना सोशल डिस्टन्स व इतर माहिती उपलब्ध नसल्याने अनेक अडचणी येत. भाजीपाला व इतर वस्तू विक्रीनंतर पैशाची देवाणघेवाण करणेही कठीण होते. त्यामुळे चार-पाच वर्षांपूर्वी आर्थिक क्षेत्रातही डिजिटायझेशन झाल्याने अनेक व्यावसायिकांनी क्‍यूआर कोडचा वापर करून रकमेसह साहित्याची देवाणघेवाण सुरू केली होती. सध्या बहुतांश व्यवसायांमध्ये या कोडचा वापर होत आहे. त्यामुळे नागरिकांचा वेळ व पैशाची बचत होत आहे. अशा व्यावसायिकांना उद्योग, व्यवसायासाठी निधीही उपलब्ध करण्यात आला आहे. या उपक्रमामुळे फेरीवाले व भाजीविक्रेत्यांची चांगली सोय झाली आहे.
नगराध्यक्ष जयवंत भाटले म्हणाले, 'रस्त्याकडेला बसून भाजीविक्री करणाऱ्या व फेरीवाल्यांना क्‍यूआर कोड उपलब्ध करून दिला आहे. त्याचा वापर योग्य प्रकारे करून विक्रेत्यांनी लाभ करून घ्यावा.' उपनगराध्यक्ष नीता बागडे यांनी, बेळगाव जिल्ह्यामध्ये प्रथमच भाजीपाला विक्रेते व फेरीवाल्यांना क्‍यूआर कोड उपलब्ध केला आहे. त्यामुळे ग्राहकांसह व्यापाऱ्यांना उपयुक्त ठरणार असल्याचे सांगितले.
यावेळी पहिल्या टप्प्यात शहरातील 35 विक्रेत्यांना क्‍यूआर कोडचे वितरण करण्यात आले. उर्वरित विक्रेत्यांनाही लवकरच त्याचे वितरण करण्यात येणार असल्याची माहिती पालिका आयुक्त महावीर बोरण्णावर यांनी दिली. कार्यक्रमास सभापती सद्दाम नगरजी, नगरसेवक दत्ता जोत्रे, प्रणव मानवी यांच्यासह पालिकेचे अधिकारी व कर्मचारी उपस्थित होते. उत्तम चव्हाण यांनी आभार मानले.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.