दहिवडी : दारूची दुकाने बंद असल्यामुळे तळीराम आपला घसा ओला करण्यासाठी सतत दारूचा शोध घेत आहेत. तळीरामांच्या याच अवस्थेचा फायदा घेण्यासाठी बंद पडलेल्या गावठी दारूच्या हातभट्ट्या पुन्हा एकदा सुरू झाल्या आहेत. राणंदमध्ये हातभट्टी दहिवडी पोलिसांनी उद्‌ध्वस्त केली.
लॉकडाउन दरम्यान अधिकृत दारूविक्रेते यांच्यावर शासनाने बंदी घातलेली आहे. त्यामुळे दारू मिळणे अवघड झाले आहे. काहीही करून कसलीही दारू मिळविण्यासाठी तळीरामांचा आटापिटा सुरू आहे. त्यातही तळीरामांचा ओघ हातभट्टीच्या गावठी दारूकडे वळलेला आहे. दहिवडी पोलिस ठाणे हद्दीतील राणंद या गावात अशीच एक हातभट्टी सुरू असल्याची माहिती पोलिसांना मिळाली.
मिळालेल्या माहितीनुसार, दहिवडी पोलिसांनी राणंद गावांमधील अर्जुन चंद्रकांत चव्हाण व बाबा ऊर्फ मनोहर चंद्रकांत चव्हाण या दोघांच्या घरी छापा टाकला. या छाप्यात हातभट्टी आणि त्याकरता लागणारे साहित्य मिळून आले. त्यामुळे त्यांच्यावर दहिवडी पोलिस ठाण्यात दारूबंदी कायद्यान्वये गुन्हे दाखल करण्यात आले असून, गुन्ह्यात या दोघांना अटक करण्यात आली आहे. या छाप्यात मिळून आलेली हातभट्टी दारू व हातभट्टी दारू करता लागणारे रसायन नष्ट करण्यात आले आहे.
ही कारवाई सहायक पोलिस निरीक्षक राजकुमार भुजबळ यांच्या मार्गदर्शनाखाली सहायक फौजदार प्रकाश हांगे, पोलिस हवालदार संजय केंगले, पोलिस नाईक रवींद्र बनसोडे, पोलिस नाईक मल्हारी हांगे यांच्या पथकाने केली.
काय सांगता ! दारू दुकानच अनलॉक व्हयं
सरकार मायबाप आमची सुरक्षितता तुमच्या हाती
साेनके, तरडगावला काेराेनाबाधित आढळले; साताराची चिंता वाढली
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.